Yeh Gaya Hota Wahan Ya Woh Gaya Hota
Jal Rahi Basti Main Kuch Toh Reh Gaya Hota
Ek Pattar Tha Jisse Sab Aadmi Kehte Rahe
Aadmi Yadi Tha, Pigal Kar Beh Gaya Hota
Dharam Ke Chehre Pe Cheete Aadmi Ke Khoon Ke
Ishwar Hota Toh Kaise Seh Gaya Hota
Aadmi Ho Aadmi Tum Per Na Sudhroge Kabhi
Dekhkar Yeh Khoon-Pashu Bhi Keh Gaya Hota
Tum Giroge Is Tarah, Maloom Jo Hota Usse
Sharam Se Dhancha Swayam Hi Teh Gaya Hota