Ye Nafarat Ki Hawaaon Pay Palnay Walay

Ye Nafarat Ki Hawaaon Pay Palnay Walay
Ki Mazhab Jinkay Hamesha Khatray Main Hain

Apnay Khyaalon Ko Pahnaai Hai Khud Salaasil
Aur Dil Quaid-Tanha Bahut Kurakhat Pehray Main Hain

Ki Jnun Nay Jinkay Pehna Hai Mazhab Ka Naqaab
Gunah-I-Qatl Bhee Jinko Lagta Hai Swaab

Inki Sadaayon Say Bachna Meray Azeezo
Ye Nanhay Haathon Main Bandukayn Day Kar

Unkay Zehanon Main Zehar Ki Fasal Bo Dain
Aur Ye Farda Ki Umeedain Phir Bun Jaayan Imroz Ka Khauf

Apnay Bemaar Khwaabon Ko Haqeeqat Ka Pairhun Dainay Kay Liayay
Taasub Ka Zahar Baant Rahay Hain Yeh Is Daur Kay Masihaa

Apni Garmjoshi Aur Qumaqali Kay Sabub
Ye Maazi Kay Sach Ko Bana Dain Haazir Ka Faryub

Nafrat Kay Numainday Hain Ye Mazaahib Kay Agwaai
Ye Shaitaan Ki Khufia Fauj

Ghum Rahi Hai Her Dil-O-Zehan Kay Galiyaaron Main
Inki Sadaaon Say Bachna Maray Azeezo

Chinaar-Qud Pyaam Agwaa Kar Liyay Bonon Ki Is Jmaat Nay
Kabhi Hindu To Kabhi Muslman Bun Kar

Kabhi Sikh To Kabhi Isaai Ki Shaql Main
Is Jmaat Nay Phainka Hai Tamaddun Pay Apna Jaal

Aur Khauf Kay Is Kohray Main Har Baar
Kitnon Kay Azeez La-Pata Ho Gayay Hain

Inki Sadaaon Say Bachna Maray Azeezo
Inki Sadaaon Say Bachna Maray Azeezo

Share

Leave a Comment

Your email address will not be published.