Nari Hu Nirmaan Karungi

Nari Hu Nirmaan Karungi
Apna Bi Samaan Karungi…

Parampara Se Kyu Ker Ladna
Usse Aaj Se Kal Tak Judna
Anishta.Ta Ko Vinasht Karke
Nootanta Ka Maan Karungi…

Aadhisakhti Hu Mai Srishti Ki
Mujhse Tum Khilwaad Na Karna
Jansi Mere Thann Mein Jaage
Mann Mein Durgadyaan Karungi…

Agnidev Ne Jisse Bachaya
Jan.Nindha Ne Usse Jalaya
Seeta Aise Phir Na Jalegii
Naye Niyam Nirmaan Karungi…

Rakshaq Hu Mai Sare Jag Ki
Mujhe Na Abla Tum Kehna
Shabdajaal Main Mujhe Na Faaso
Mai Yatarth Ka Dyaan Rakhungi…

Bhavishya Meri Ghod Pal Raha
Mai Usko Sakaar Karungi
Vish Pilaya Tumne Mujhko
Mai Amrith Ka Dhaan Karungi…

Ulat Jayenge Ghungat Saare
Purush Aaj Apne Ko Perkhe
Sathva-Rach-Tam Ki Ekaayee Hu
Eeshprapthi Sopaan Chadungi…

Share

Leave a Comment

Your email address will not be published.