Mera Wajood Pay Phailee Hain

Mera Wajood Pay Phailee Hain Taqdeer Ki Nadeedaa Lakeerain
Nijaat Jin Say Shayud Main Na Pa Sakunga Kabhi

Muqaddar Bun Kay Mila Hain Gumnaamion Kay Andhairay Mujhay
Tasleem-E-Fun Ki Apnay Shayud Un Main Lau Na Jalaa Sakunga Kabi

Lahu-Lahu Jiya Hai Maine Har Takhleek Ko Apni
Likha Hai Inhain Shub Ki Taarikian Laykar

Aur Alfaaz Kay Paikar Main Utaaraa Hai Inhain
Tanhaaion Main Afkaar Ki Baarikain Laykar

Umr Bhar Ka Dard Jinkay Liayay Paalaa
Aur Duniya Bhar Kay Rutbay Choray

Akaylaa Hi Takraataa Raha Waqt Ki Aandhi Say
Aur Kitnay Shokh Paighaam Moray

Magar Aayaa Na Koi Deedaawar Apnaa
Aur Tasvvur Mera Khlaaon Main Bhatkataa Hai Ab Talak

Meanings:
Nadeedeeda-Blind,Tasleem-E-Fun-Recognition Of Art

Paikar-Libaas,Body, Afkaar-Thought, Chintan, Deedawar-Paarkhi(Aankhwala)

Share

Leave a Comment

Your email address will not be published. Required fields are marked *