Main Kisi Koum Se Nahi

Mai Kisi Koum Se Nahi
Na Mujhe Kisi Majhab Se Sarokar Hai,

Mai Har Us Insaan Ke Saath Hoon
Jise Is Desh Se Pyar Hai,

Maana Ye Har Ek Ko
Roti Nahi De Paata,

Maana Ye Shikshit Samaaj Ko
Rojgaar Uplabdh Nahi Karaata,

Par Mera Janak Hai Ye Desh
Mujhe Ispar Krodh Nahi Aata,

Ye To Mere Apnon Ki Khata Hai
Jiski Sajaa Mai Paata Hoon,

Mai Khud Kya De Paayaa Hoon, Is Jameen Ko
Jo Paane Ka Adhikaar Jatata Hoon.

Share

Leave a Comment

Your email address will not be published.