Kis Ko Kyaa Miley?

Kis Ko Patah Hai, Baad Hashra, Kis Ko Kyaa Miley?
Behtar Hai, Rawaan Hotey Rahain, Yoon Hi, Qaafiley!

Jannat Bhi Eik Khwaab Hai: Dozakh Bhi Khwaab Hai:
Ya Khwaab-E-Tasawwur Hain! Hawaayee Hain Yeh Kiley!!

Hoon Dafn Qabra Mein Hazaar Saal Sey, Huzoor!
Kab Tak Chaleyngey Aur, Yeh Khulboun Key Silsiley?

Aayegee Kab Qayaamat-E-Duniyaa? Ae Raahbar!
Kab Ba-Wafaaiyoun Key, Mileyngey Mujhey Siley?

Kab Sharbat-E-Kousar Sey, Galaa Kar Sakoongaa Tar?
Kab Chaand-See Hooroun Key Sunoogaa Haseen Giley?

Kitney Hazaar Saal, Aur Hogaa Intizaar?
Kab Aayengey Dobaarah Nazar Gul, ‘Abd’, Khiley?

Share

Leave a Comment

Your email address will not be published.