Jan-Sevak, Jan-Nayak Dekho Ghoom Rahe Hai Car Main
Kuch Tv Per Darshan Karna, Baki Kal Akbaar Main..
Unse Milne Ko Pyare Kuch Soch-Samajhkar Hi Jana
Chaar Commandos, Che-Che Kutte Khade Milenge Dwaar Main
Inke Chkraview Ke Raste Inko Hii Maloom Rahe
Jeet Main Jeet Toh Hai Hi Inki, Jeet Milegi Haar Main
Bhaad Dekhkar Muskate Hai, Sookhe Main Khil Jate Hai
Samadhaan Ki Kurchi Lekar Baite Hai Dharbaar Main
Paanch Saal Poore Hone Per Ye Caron Se Utrenge
Phir Muskurakar, Vote Cheen Kar Baitenge Sarkaar Main