Doobtey Shehar Ka Manzar

Doobtey shehar ka manzar nazar aata hai mujhe
Duur tak aik samndar nazar aata hai mujhe
Jaane kiss ka hai jo paiker nazar aata hai mujhe
Aik insaan merey andar nazar aata hai mujhe
Dil ki aankhon se zamane ko agar dekhoon main
Waqt ke haath mein pathhar nazar aata hai mujhe
Wosaat-e-deeda-o-dil ka koye aalam to dekhe
Ab to har qatra samandar nazar aata hai mujhe
Duur rehna tou kabhi uss ko gawara he nahi!!
Saaya ban kar who sarasar nazar aata hai mujhe
Uss ke paiker se jo taabeer kia jata tha!
Wo bhi ab apna he paiker nazar aata hai mujhe

Share

Leave a Comment

Your email address will not be published. Required fields are marked *