Dekha Hai Ajab Chalan Is Samaj Ka

Dekha Hai Ajab Chalan Is Samaj Ka
Badle Hai Anek Rup Is Duniya Ke

Per “Naari’ Ke Astitva Per Aaj Bhi Prashnchin Sa Paya Hai
Diya Hai Isi Samaj Ne Kabhi Usko

Akhbaar Ke Pehle Pane Par Samaan,
Per Wahi Pichale Pano Par Uski Izzat Ko Ujarata Paya Hai

Usne Janam Diya Mardo Ko
Aur Unhone Us Ko Bazar Ka Rukh Dikhaya Hai

Kahi Puja Gaya Hai Usko Lakshmi Ke Rup Mein
Wahi Usko Jaanwaro Se Bhi Kam Keemat Main Bikata Hua Paya Hai

Isi Samaaj Ne Di Hai Usko Kokh Mein Kabra
Aaj Bhi Dekha Hai Usko Draupadi Bante Hue

Aaj Bhi Usko Kai Agniparikshaon Se Gujarta Hua Paya Hai
Paida Hote Hi Paala Hai Usko Paraya Jaan Ke

Fir Pati Ke Ghar Mein Bhi Usko’ Paraya Ghar Se Aayi Hai Kehte Paya Hai
Koi Samjha De Mujhko Fir Ek Aurat Ne Kab Sirf Apna Ghar Paya Hai

Sawara Hai Apne Hunar Se, Apne Haseen Jazbaton Se
Usne Har Mukaam Ko

Par Fir Bhi Is Samaaj Ne Uske Hunar Ko Kam
Aur Husan Ko Jayda Ajmaya Hai

Share

Leave a Comment

Your email address will not be published.