Aaj Is Akele Diwas Ke Khaatir Main

Aaj Is Akele Diwas Ke Khaatir Mai Tumhe Shubhkaamnaaein Na De Paaunga
Kyonki Har-Din Tumhaare Khaatir Hi To Hai Is Ek Din Ko Khaas Na Keh Paaunga,

Aaj Ke Akhbaar Me Tumhaare, Gun-Gaan Se Bhi Darkaar Nahi Mujhko
Kyonki Jaanta Hoon Kal Phir Teesre Kisi Prishth Ki Surkhiyon Me

Tumper Hi Huve Kisi Amaanviye Se Shushan, Per Mai
Tumhi Ko Laz.Zit Or Sir Jhukaaye Huve Paaunga,

Apni Vyaktitva Apne Swaabhimaan Per
Yoon Baar Baar Prashn Chinh Lagaana Chhodo,

Ek Kaam Karo Apne Naam Ke Aage Ye
Abla Shabd Lagaana Chhodo,

Ho Sake To Sir Uthakar Chalo Raahon Me
In Purushon Ko Vyaktitva Ka Aaina Banana Chhodo,

Apne Aatm-Bal Per Jang Mat Lagne Do
Khudhi Shoshit Hokar..Apna Hi Sir Jhukana Chhodo,

Mai Ek Din Tumhaare Khaatir Nahi
Har Pal Tumhaare Liye Chaahunga,

Ye Mahila Diwas Ye Aarakshan, Khokhli Si Baatien Hain
In Sab Se Upar Utho…Ham Purushon Se Ummeedein Lagana Chhodo.

Share

Leave a Comment

Your email address will not be published.